Жаңа жыл қарапайым өтеді, біз «омикронға» дайындалып жатырмыз – Алматы қаласы әкімінің орынбасары

Алматы әкімінің орынбасары Ержан Бабақұмаров мегаполис омикрон штамының пайда болуына дайындалып жатқандықтан, қалада жаңа жыл қарапайым өтетінін айтты.

«Жаңа жыл қалада қарапайым өтеді, біз омикронға дайындалып жатырмыз. Біз көп жиналатын орындардан аулақ болуға тырысып, міндетті түрде бетперде киіп, әлеуметтік қашықтықты сақтауымыз керек. Ал ең бастысы екпе мен ревакцинациядан өту қажет. Әйтпесе, инфекцияның ауқымы ұлғаяды» деді Ержан Бабақұмаров.

Әкім орынбасарының айтуынша, вакциналанғандар инфекция жұқтырған жағдайда омикрон штамын оңай көтереді.

«Ең бастысы, жаңа жылдық мерекелер инфекцияның өсуіне ықпал етпеуі керек» деді Бабақұмаров.

Айта кетсек, коронавирустың «Омикрон штаммы» әлемнің 110 елінде анықталған.