Жаңаөзендік мұнайшылар екі аптадан бері жалақыны көтеруді талап етіп, ереуілдеуде

«Кезби» ЖШС жұмысшылары ереуілді 19 сәуірде басталған  және әзірге оны тоқтатуды жоспарлап отырған жоқ.

«Кезби» ЖШС мұнай сервистік компаниясының жұмысшылары екінші аптадан бері өндірістік база ғимараты алдында ереуілге шығып жатыр. Ереуілшілердің айтуынша, олардың саны 400-ге жуық және жұмысшылардың тек 10 пайызы ғана жұмысын жалғастырған.

Олардың басты талабы – жалақыны 20 пайызға көтеру, 12 сағаттық жұмыс күнін енгізу және штатты «Өзенмұнайгаз» АҚ ұжымына беру. Мұнайшылардың талабын ешкім қанағаттандырмағандықтан, ереуіл жалғасуда, деп хабарлайды Lada.kz порталы.