Жаңаөзенде мұнай сервистік компаниясының жұмысшылары ереуілге шықты

Маңғыстау облысы Жаңаөзен қаласында «Кезби» ЖШС мұнай сервистік компаниясының жұмысшылары ереуілге шығып, жұмысты тоқтатты.

Бұл туралы Orda.kz хабарлайды.

«Бәсе» youtube арнасында жарияланған видеодан адамдардың жиналып өз уәждерін айтып жатқанын көруге болады.

Басты талаптары жалақы мен сыйақы мөлшерін арттыру және жұмысшыларға тиісінше саймандар мен жабдықтарды ұсынып, 2019 жылдан бері өздеріне жұмсалған қаражаттың есебін көрсету.

Видеода аталған оқиға 2021 жылдың 30 маусымында болды деп көрсетілген. Мұнай сервистік компаниясының қызметкерлері айтылған талаптар орындалмаса, тағы бір күн бір сағат жұмыс тоқтатпақ. Ол кезде де мәселе шешілмесе жұмысшылар жұмысқа толығымен шықпайтынын айтты.