Жаңа туған нәрестесін дәретханаға лақтырып кеткен әйел туралы жаңа мәліметтер пайда болды

Кеше Атырауда сәбиін дәретханада тастап кеткен 31 жастағы әйел туралы жаңа мәліметтер пайда болды.

Бұл туралы Orda.kz Астана телеарнасына сілтеме жасап хабарлады.

Анықталғандай, 31 жастағы келіншек мемлекеттік мекемелердің бірінде еден жуушы болып жұмыс істеген. Әйел жүктілігін жақындарынан жасырып, дәрігерлерге де ештеңе айтпаған.

Анасы шақалақ туралы келіншектен қан кете бастаған кезде бірақ білген. Себебі, қызы жедел жәрдем көмегінен барынша бас тартқан.

Осы кезде көршінің қызы дәретханадан баланың даусы шығып жатқанын естіп, анасын көмекке шақырған.

Дәрігерлер баланы дәретхана тесігінен әрең шығарып алған.

– Әйел жүктілігін жасырып жүрген, есепке тұрмаған. 3-4 үй бір дәретханаға баратын жер үйде тұрады. Сонда баланы лақтырып кеткен. Бала нәжістің қақ ортасына емес, шетіне қарай түскен. Әйтпегенде, батып кетер еді. Баланы жуындырып, оны жылыттық. Рентгенге түсірдік, өкпесі таза, - дейді Индер аудандық ауруханасының бас дәрігері Анар Доспаева.

Келіншектің ауыр аяқ екенін оның әріптестері де байқамаған. Олар оны «артық сөзі жоқ адам» ретінде таниды екен.

31 жастағы келіншек бұрындары тұрмыс құрмаған. 10 жасар баласы бар. Анасымен бірге үй жалдап тұрады.

Қазір полиция ҚР Қылмыстық кодекстің 119-бабы бойынша іс қозғалды.