Жаңа облыстың жүргізушілері көлік нөмірін ауыстырмаса болады

Жаңа үш облыстың тұрғындарына тіркеу белгілері берілді. Алайда жүргізушілер қазіргі көлік нөмірлерін ауыстырмаса да болады. Бұл туралы ішкі істер министрлігінің өкілі Шұғыла Тұрлыбек айтты.

«Қазақстанда көлік құралының тіркелген өңірін белгілеу үшін тиісті цифрлық белгі қолданылады. Мемлекеттік тіркеу нөміріндегі реттік сан өңірдің атауына байланысты мемлекеттік тілдегі әліпби ретімен беріледі» деді ол.

Жаңа облыстарға:

• Абай облысы – 18;
• Жетісу облысы – 19;
• Ұлытау облысы – 20 деген тіркеу нөмірі берілді.