Жаңа министрлердің ант қабылдаған бейнежазбасы жарияланды

Бүгін Үкімет отырысы өтіп, Қазақстанның барлық жаңадан тағайындалған министрлері кезекпен ант қабылдады.

Ант қабылдаған министрлер арасында жаңадан тағайындалған ақпарат және қоғамдық даму министрі Асқар Умаров, әділет министрі Қанат Мусин, денсаулық сақтау министрі Ажар Ғиният, индустрия және инфрақұрылымдық даму министрі Қайырбек Өскенбаев, Ұлттық экономика министрі Әлібек Қуантыров және энергетика министрі Болат Ақшолақов бар.

– Қазақстан Республикасының халқы мен президентінің алдында бар күш-жігерім мен білімімді Отанымның гүлденуіне жұмсауға, мемлекеттің Конституциясы мен заңдарын қатаң сақтауға, Қазақстан халқына адал қызмет етуге салтанатты түрде ант етемін, - деді министрлер өз кезегінде.