Жаңа Қазақстан заңдары: шенеуніктер өз сыйлықтарын сатып ала алады

11 сәуірде жаңа қаулы күшіне енді, оған сәйкес мемлекеттік қызметшілер өздеріне берілген сыйлықтың  ақысын төлеп, өздеріне қалдыра  алады.

Қазақстан Республикасы нормативтік құқықтық актілерінің ақпараттық-құқықтық жүйесінің интернет-ресурсында Үкіметтің 2022 жылғы 11 сәуірдегі қаулысы шықты.

2002 жылғы 26 шілдедегі № 833 «Жекелеген негіздер бойынша мемлекет меншігіне айналдырылған (түскен) мүлікті есепке алудың, сақтаудың, бағалаудың және одан әрі пайдаланудың кейбір мәселелеріне» өзгертулер енгізілді.

Бұл бөлім мемлекеттік қызметшілерге бір рет тапсырылған сыйлықтарды қамтиды. Енді оларды сатып алу-сату шарты бойынша, бірақ жоғары тұрған басшылықтың мақұлдауымен сатып алуға болады. Сыйлық  құны «Қазақстан Республикасындағы бағалау қызметі туралы» заңға сәйкес айқындалады.

«Сыйлықты өтеу уәкілетті орган мен сыйлықты тапсырған тұлға арасындағы сатып алу-сату шарты бойынша уәкілетті орган сыйлықты алған тұлғадан хабарлама алған күннен бастап күнтізбелік 7 күн ішінде жүзеге асырылады» делінген қаулыда.

Сыйлықты қайтару толық төлемнен кейін және қабылдау-өткізу актісі бойынша ғана мүмкін болады. Енді мемлекеттік қызметшілер бір қорап шоколад пен кофені еш қиындықсыз сатып ала алады. Бірақ 4 миллион теңгеге Hermes брендінің әйелдер сөмкесінің иесі болу мүмкін бе, жоқ па, әзірге белгісіз.

Қаулыға Премьер-Министр Әлихан Смайылов 2022 жылғы 11 сәуірде қол қойды. Ол қазірдің өзінде күшіне енді.