Жаңа қаулы: вакцина алмаған қызметкерлер жұмыстан шеттетіледі

Қазақстанның бас мемлекеттік санитарлық дәрігерінің жаңа қаулысы жарияланды.

Бұл туралы Orda.kz хабарлады.

Құжатқа сәйкес, облыстардың, Алматы, Нұр-Сұлтан және Шымкент әкімдері мыналарды қамтамасыз етуі керек:

Жаңа қаулы бойынша:

• қызмет көрсету объектілердің;
• халық тұтынатын өнімдердің және тауарлардың көтерме және бөлшек саудасы объектілерінің, оның ішінде базарлардың, сауда үйлерінің, сауда желілерінің, сауда-ойын-сауық орталықтарының, дүкендердің, шағын маркеттердің, супермаркеттердің, гипермаркеттердің;
• мәдениет және демалыс объектілерінің;
• халықтың тұруы бойынша қызметтер көрсету саласындағы объектілердің;
• жолаушылар тасымалын жүзеге асыратын ұйымдардың, әуежайлардың, теміржол, автомобиль және су вокзалдарының, өзен және теңіз порттарының, автостанциялар/автоөтпе жолдарының, жолаушыларға қызмет көрсету пункттерінің;
• білім беру және тәрбиелеу ұйымдарының, оның ішінде білім беру дамыту және түзету орталықтарының, оқу-өндірістік комбинаттардың және басқа да мектептен тыс ұйымдардың;
• санаторий-курорттық және сауықтыру мақсатындағы объектілердің;
• қоғамдық тамақтану объектілерінің, оның ішінде ұйымдасқан ұжымдарда орналасқан, сондай-ақ тамақ жеткізуді жүзеге асыратын объектілердің, стрит-фудтардың;
• барлық үлгідегі медициналық-әлеуметтік объектілердің;
• денсаулық сақтау ұйымдарының, оның ішінде зертханалардың;
• дәріхана ұйымдарының;
• тіршілікті қамтамасыз ету және коммуналдық шаруашылық объектілерінің;
• экскурсиялық қызмет көрсететін ұйымдардың;
• демалыс объектілерінің, ойын-сауық ойын объектілерінің;
• байланыс және телекоммуникация объектілерінің COVID-19-ға қарсы вакцина алмаған жұмыскерлерді күндізгі режимде жұмысқа жіберуді шектеуді.

Ал басқа ұйымдардың жұмысы аймақтағы эпидемиологиялық жағдайға байланысты арнайы штаб шешімімен реттеледі.