Жаңа қаулы: Алакөл мен Бұқтырмада демалу үшін не істеу керек?

Шығыс Қазақстан облысында туристердің Алакөлге, Бұқтырма су қоймасына және Рахман бұлақтарына кіру ережелері бекітілді.

Бұл туралы Orda.kz хабарлады.

Облыстың бас санитарлық дәрігерінің қаулысына сәйкес, 1 маусымнан бастап туристік аймақтар күшейтілген санитарлық-дезинфекциялық режимді, дене қызуын өлшеу, маска режимін және әлеуметтік арақашықтықты сақтай отырып, жазғы маусымға дайындықты бастауы мүмкін.

Ashyq мәртебесін тексермей, туристті кіргізуге мына жағдайларда болады:

• үш тәулік (72 сағат) ішінде ПТР өткізіп, теріс нәтиже бергендер (ілеспе адамның куәлігі бар 5 жасқа дейінгі балаларды қоспағанда);
• COVID-19 коронавирустық инфекциясына қарсы екпені толық алғандар растайтын құжатпен (вакциналау паспортының электрондық нұсқасы);
• қағазға (көшірме немесе түпнұсқа) немесе DAMUMED медициналық қызметінен уақытша еңбекке жарамсыздық парағының электрондық нұсқасы.