Жұмыстан шығарылған шенеунік облыс әкімін сотқа берді

Көлік және автомобиль жолдары басқармасының бұрынғы басшысы оны жұмыстан шығаруды заңсыз деп тану туралы талап арыз берді.

Ақпарат Sputnik Казахстан сайтына жарияланған, деп хабарлайды Orda.kz.

Павлодар көлік және автомобиль жолдары басқармасының қызметінен босатылған бұрынғы басшысы, жұмысқа қайта қабылдау туралы сотқа шағым жазды.

Облыстың көлік және автомобиль жолдары басқармасының бұрынғы басшысы Ринат Қойсомасов қалалық сотқа өңір басшысы Әбілқайыр Сқақовқа «жұмыстан босату түріндегі тәртіптік жаза қолдану туралы өкімді заңсыз деп тану туралы, жұмысқа қайта алу және амалсыз бос жүрген барлық уақыты үшін жалақыны өндіріп алу туралы» талап-арызбен жүгінді.

Өткен жылдың желтоқсан айында Павлодардағы Әдеп жөніндегі кеңесте сыбайлас жемқорлыққа қарсы қызметкерлер Ринат Қойсомасов пен оның орынбасары Қизат Жақыпов «2019 жылдың қараша айында алдын ала сөз байласу арқылы Павлодар облысының автожолдарын жөндеу, қайта жаңарту және күтіп ұстау бойынша жасалған мемлекеттік сатып алу жұмыстары кезінде оның компаниясының мүдделерін лоббилендіргені, сондай-ақ жалпы қамқорлығы үшін «Гордорстрой» ЖШС директоры Юрий Моисеевтен жалпы сомасы 504 890 теңге пара алған» делінген.