Қазақстанда 27 қыркүйектен бастап жұма намазы мешіт ішінде оқылатын болды.
Үкімет басшысының орынбасары Ералы Тоғжановтың төрағалығымен өткен COVID-19 таралуына жол бермеу жөніндегі ведомствоаралық комиссия осындай шешім қабылдады.
27 қыркүйектен бастап жұма намазын жабық орын-жайларда оқуға рұқсат беріледі. Алайда қызметкерлер мен келушілердің статусы Ashyq-та «жасыл» болуы тиіс.
«Жасыл» аймақта тұрған өңірлерде мешіт ішінің адамдарға толуы 50 пайыздан, «сары» аймақта 30 пайыздан, «қызыл» аймақта 20 пайыздан аспауы керек. Қазір жұма намазы мешіт ауласында оқылып жүр.
Бүгін премьер-министрдің орынбасары Ералы Тоғжановтың төрағалығымен COVID-19 таралуына жол бермеу жөніндегі ведомствоаралық комиссияның отырысы өтті.
Жиын барысында елімізде карантин талаптарын жеңілдету туралы бірқатар шешім қабылданды.
