Жәкішевтің оққағары «Рыжий Алмазбен» бірге жұмыс істегенін айтты

«ҚазАтомӨнеркәсіп» ұлттық компаниясының бұрынғы басқарма басшысы Мұхтар Жәкішевтің оққағары Талғат Қыстаубаев «Уақыт көрсетеді» жобасына сұхбат беріп, Жәкішевке қатысты әңгіме өрбітті.

Талғат Қыстаубаев Жәкішевтің денсаулығы қалпына келіп жатқанын, емханаларға барып тұратынын айтты. Сондай-ақ, оған жасалған қастандық туралы да айтып берді.

– Оққағардың қызметі ол кісіні атыс жағдайы бола қалған күнде қорғап қалу. Ол қиын уақыттар еді. «КазАтомпромда» жұмыс істеп жүрген кезде келіп жүргендер болды. Мен рэкеттермен кезінде жұмыс істегенмін. Келгендер мені танитын. Қастандық жасау үшін олар бәрін толықтай тексереді. Оққағардың қандай екенін біледі. Түгел қарап шығады. «Чебонина, Рыжий Алмаз, Черный Алмаз, Четыре брата, Атаба» бәрімен жұмыс істедік, - деді ол.