Жүк көлігі қаққан әйел оқиға орнында көз жұмды

Алматыда жүк көлігі қаққан әйел оқиға орнында көз жұмды, деп хабарлады ORDA.kz.

– 8 наурызда сағат 15:10 Саин және Шаляпин көшелерінің қиылысында жол көлік апаты орын алып, жүк көлігі қаққан әйел оқиға орнында көз жұмды, деп хабарлайды полиция департаментінің баспасөз қызметі.

Аталған факт бойынша ҚР ҚК 345-бабымен (жол ережесін бұзу, абайсызда адам өлімін болдыру) сотқа дейінгі тергеу жүргізіліп жатыр. Сондай-ақ тиісті сараптамалар тағайындалған.

– 1989 жылы туған жүргізуші Камаз жүк көлігімен Шаляпин көшесімен шығысқа бағыт алған. Саин көшесіндегі 24-ші үйге қарама-қарсы жерде 55-60 жас шамасындағы әйелді қағып кетті. Жол оқиғасы салдарынан жаяу жүргінші оқиға орнында қайтыс болды, деді мамандар.