«Зерде» ұлттық холдингі тиімсіздігінен реформалануда

Қазақстан Республикасының Президенті Қасым-Жомарт Тоқаев Есеп комитетінің төрағасы Наталья Годунованы қабылдады.

Годунова Мемлекет басшысына жоғары бақылау органының 2022 жылдың бірінші тоқсанындағы жұмысының негізгі қорытындылары туралы баяндады.

Есепті кезеңде барлығы 345 млрд теңгеден астам бюджет қаражатын қамтитын 14 нысанда 3 аудиторлық іс-шара жүргізіліп, 30 млрд теңгенің бұзушылықтары анықталды.

«Мемлекет басшысы «Зерде» ұлттық инфокоммуникация холдингін реформалау жөнінде тапсырма берді, ол бүгінде жеткілікті тиімді емес»  делінген Ақорда хабарламасында.