Зеленский жол апатына ұшырады

Украина президенті Владимир Зеленский болған көлік Киевте жол апатына ұшырады.

Жолаушылар көлігі, Украина президентінің көлігі мен жолсерік көлігі соқтығысты. Дәрігерлер Зеленскийді тексерді, ауыр жарақаттар табылмады.

«Орын алған жол-көлік оқиғасы кезінде мемлекет басшысының көлігі мен жолсерік көлігі соқтығысты» деп хабарлады Зеленскийдің баспасөз хатшысы Сергей Никифоров 15 қыркүйекке қараған түні.

Президент дәрігерге қаралды, ауыр жарақаттар анықталмады.

«Украина басшысымен бірге келген дәрігерлер көлік жүргізушісіне жедел көмек көрсетіп, оны жедел жәрдемге тапсырды» деп қосты президенттің баспасөз хатшысы. Никифоровтың айтуынша, полиция оқиғаның мән-жайын анықтайтын болады.

Осыдан бірнеше сағат бұрын Зеленский Харьков облысындағы азат етілген Изюм қаласына барды. Қала үстіне Украина туын көтеру рәсіміне президент пен қорғаныс министрінің орынбасары Анна Маляр, сонымен қатар бірнеше күн бұрын қаланы азат еткен Украина Қарулы күштері мен басқа да құқық қорғау органдарының өкілдері қатысты.