Зеленский Украина мен Ресей арасындағы келіссөзге қатысты пікір білдірді

Украина президенті Владимир Зеленский Украина мен Ресей арасындағы келіссөзге қатысты пікір білдіріп, кездесу нәтижесіне сенбейтінін мәлімдеді.

Оның айтуынша, Припять өзенінде кездесу туралы ұсынысты Александр Лукашенко білдірген. 

«Шынымды айтайын, мен бұл кездесудің нәтижесіне сенбеймін. Бірақ тырысып көрсін. Себебі Украиның бірде бір азаматында президент ретінде соғысты тоқтатуға тырыспады деген күдік болмауы керек» деді Владимир Зеленский. 

Еске салсақ, бүгін Ресей мен Украина кездесіп, қақтығысты тоқтату бойынша келіссөздер жүргізеді. Украина келіссөзге қауіпсіздік мақсатында Польша арқылы келеді. Ал Беларусь президенті Александр Лукашенко Украина өкілдері келгенде және еліне қайтпайынша Беларусьтің бірде-бір зымыраны мен ұшағы, тікұшағы ұшпайтынына сендірді.

Украинадан 4-5 адам келеді деп күтіліп отыр: Сырты істер министрі, әскери және саяси сала өкілдері, «Слуга народа» фракциясының басшысы Давид Арахамия.

Ресей мен Украина Беларусь жеріндегі Гомель облысында, Украинамен шекаралас аймақта кездеседі.