Зеленский Ресеймен мүмкін болатын бейбіт келісім туралы айтты

Украина президенті Владимир Зеленский Ресеймен келісім екі құжаттан тұруы мүмкін деген пікір білдірді: Украинаның қауіпсіздік кепілдігі және Киев пен Мәскеу арасындағы қарым-қатынас туралы, деп хабарлайды РБК.

 «Ресеймен бітім шарты екі құжаттан тұруы мүмкін. Оның бірі Украинаның қауіпсіздік кепілдігіне, екіншісі Ресей Федерациясымен тікелей қарым-қатынасына қатысты болуы керек»  деп келтіреді Strana.ua Зеленскийдің сөзін.

Ресей барлығы осы мәселелерді қамтитын бір құжатта болғанын қалайды, деді Зеленский.

 «Алайда бәрі Ресейдің  келісімге келеріне сенімсіздік білдіруде. Олар үшін Украинаның қауіпсіздігіне кепілдік беру бір мәселе, ал Ресеймен келісім жасау басқа мәселе»  деді Украина президенті.

Сонымен қатар Зеленский  Мариупольде украин әскері жойылған жағдайда Мәскеумен келіссөз жүргізбейтінін айтты.

Еске салайық, 24 ақпанда Украинадағы әскери операция басталғаннан кейін Ресей мен Украина делегациялары келіссөздердің бірнеше раундтарын өткізіп, соңғы бетпе-бет кездесу 29 наурызда Ыстамбұлда өткен болатын. Онда Киев Мәскеуге жағдайды реттеу бойынша жазбаша ұсыныстар берді, кездесуден кейін ресейлік тарап Киев және Чернигов бағыттарында әскери белсенділікті азайтты.

Бұған дейін Владимир Зеленский Bild басылымына берген сұхбатында Киевтің Ресей президенті Владимир Путинмен келіссөз үстеліне отырудан басқа амалы жоқ екенін , өйткені соғысты тек ол ғана тоқтата алатынын айтқан болатын.