Зеленский ресейліктерге үндеу жасады

Украина президенті Владимир Зеленский Ресей азаматтарына үндеу жасады. Ол Кремль жариялаған «жұмылдыру» ел әскерінің сәтсіз қадамын көрсететінін атап өтті.

«6 айдың ішінде 55 мың орыс жауынгері қаза тапты. Он мыңдаған адам жараланды, мүгедек болды. Статистиканың одан әрі өскенін қалайсыз ба? Жоқ? Онда наразылыққа шығыңыздар. Елден кетіңіздер, я бізге беріліңіздер. Бұл аман қалудың нұсқалары. Ресейде ер адамдардың өлу немесе өмір сүру деген таңдауы бар. Ал әйелдер не күйеулерін, ұлдарын, немерелерін мәңгілікке жоғалтады, не оларды өлімнен, соғыстан аман алып қалуға тырысады. Аналар, Ресейде шешім қабылдай алғандар ғана өз балаларын қорғай алады. Ал көнгендер - тіпті жерленбей қалады» деді Зеленский өз үндеуінде.