Зеленский Ресейдің шабуылды қашан бастайтынын айтты

Украина Республикасының президенті Володимир Зеленский 16 ақпан күні сыртқы күштер шабуыл жасауы мүмкін екенін ескертіп, ол күнді «Бірлік күні» деп жариялады.

Ол 16 ақпанды «Бірлік күні» деп жариялайтыны туралы Жарлыққа қол қойған. Видеоүндеуде президент Украина халқын бірігуге шақырып, ауызбіршілік сақтау қажет екенін айтты.

- Бізге 16 ақпанда шабуыл болуы мүмкін екенін айтып жатыр. Біз бұл күнді «Бірлік күні» деп жариялаймыз. Ол күні ұлттық жалауларды көтеріп, барша азаматтар сары-көк ленталарды тағып, барша әлемге бірлігімізді көрсетеміз, - деді ол. Президент әділет пен бостандыққа ұмтылатынын және мұндай қоғамды қалыптастыру үшін күш керек екенін айтты.