Зеленский Ресейді Чернобыль АЭС-ына шабуыл жасады деп айыптады

Украина президенті өзінің телеграм-арнасында 14 ақпанға қараған түні станцияның 4 блогына Ресей дронының соққы бергенін мәлімдеді, деп хабарлайды Orda.kz.

Зеленскийдің айтуынша, жарылыс арқылы келген зақым маңызды. Бірақ радиация көтерілген жоқ. Қазір АЭС-тегі өрт сөндірілді.

Халықаралық атом энергиясы агенттігі Украинадағы АЭС туралы хабар алғанын растады.

«13-14 ақпанға қараған түні (сағат 1:50 шамасында) Чернобыль атом электр станциясындағы ХАЭА командасы жарылысты сезді. Өрт шықты», деп мәлімдеді ХАЭА.