Зеленский Путинге өз талабын айтты

Украина президенті Владимир Зеленский Reuters және CNN басылымдарына сұхбат берді. Сұхбат кезінде ол Ресей президентіне басты талабын айтты.

«Әлем Ресей Федерациясы президентін келіссөз үстеліне отырғызу керек екенін түсінеді, ал мен олармен келіссөз үстеліне отыруға дайынмын» деді Зеленский.

Сондай-ақ, Зеленский келіссөз тек Ресей оның талабын орындаса ғана болатынын алға тартты.

«Біз, ең болмағанда, адамдарды бомбалауды тоқтатуымыз керек. Тек бомбалауды тоқтатып, содан кейін келіссөз үстеліне отыруымыз керек» деді ол.

Зеленский украиналықтардың өмірі үшін соңғы демі таусылғанша, күресетінін де ескертті.

«Себебі біз өз үйіміздеміз. Балаларды үйде қорғаймыз. Біз мұны шын жүректен жасаймыз. Өзіміздің балаларымыздың болашағы үшін бәрін қорғауға тиіспіз деп есептеймін» деді Владимир Зеленский.

Сондай-ақ, ол НАТО елдерінен нақты жауап талап етті. Егер ол әскери одаққа мүше бола алса, НАТО елдері Украинаның қауіпсіздігіне заңды кепілдік беру керектігін айтты.