Зеленский пайдалы қазбалар бойынша келісімге қол қоймады

АҚШ Конгресінің делегациясы Мюнхен қауіпсіздік конференциясы барысында Украинаның минералдық ресурстарының 50 пайызына құқықты АҚШ-қа беру туралы келісімге қол қоюды ұсынды. Владимир Зеленский «сыпайы түрде бас тартты» деп хабарлайды Orda.kz.

Бұл туралы The Washington Post тілшісі Джош Рогин өз дереккөзіне сілтеме жасап хабарлады.

Украина делегациясының екі мүшесі Reuters агенттігіне келісімнің «кейбір тұстары» әлі пысықталатынын айтты. Сондай-ақ Зеленский «өзі оқып үлгермеген нәрсеге қол қоюды негізсіз сұрап жатқанын» жеткізді.

Басылым бұл меморандум Киевтің Дональд Трамптың қолдауына ие болу талпыныстары үшін маңызды екенін атап: «Тосқауылдың қайда жасырынғаны әлі белгісіз, бірақ Украина Еуропа мен АҚШ-тан болашақта оны Ресейден қорғайтын сенімді қауіпсіздік кепілдігін алуды талап етуде» деп жазады басылым.

Украина президенті өзінің тelegram-арнасында былай деп жазды:

«Біздің команда құжатпен жұмысты жалғастырады. Біз көптеген негізгі мәселелерді қарастырдық және Украинадағы генерал Келлогты одан әрі кездесулер мен жергілікті жердегі жағдайды тереңірек бағалау үшін күтеміз. Біз шынайы және кепілдендірілген бейбітшілікке барынша жылдам көшуге дайынбыз». 

Ол қандай құжат туралы айтып жатқанын нақтыламады.

Еске салайық, Дональд Трамп Украинаға сирек металдарын АҚШ-тың көмегіне айырбастауды ұсынған болатын. Атап айтқанда, біз титан, уран және литий туралы айтып отырмыз. Сирек металдарды игеру бойынша әріптестік туралы меморандум жобасын 12 ақпанда Киевке АҚШ қаржы министрі Скотт Бессен берді. Украина өз кезегінде жобаны Украина Конституциясына сәйкес пысықтап, америкалық тарапқа тапсырды.