Зеленский НАТО-ны Украина әуе кеңістігін жабудан бас тартқаны үшін қатаң сынға алды

Украина президенті Владимир Зеленский НАТО саммитін қатаң сынға алып, альянстың бұл шешімін  қорқақтық деп айыптады, деп хабарлайды gordonua.com.

4 наурызда НАТО саммиті өтті, онда сыртқы істер министрлері Украинаға қорғаныс қаруын жеткізуге қолдау көрсету туралы шешім қабылдады, бірақ оның үстінен өтетін ұшақтар үшін әуе кеңістігін  жабудан бас тартты. Бұл ұсынысты президент Владимир Зеленский талап еткен болатын.

НАТО Бас хатшысы әуе кеңістігінің  жабылуы Еуропада көптеген елдерді қамтитын ауқымды соғысқа айналуы мүмкін деп түсіндірді.

Украина президенті «әлсіз және абдырап қалған саммиттен» «Еуропа үшін азаттық үшін күресті бәрі де бірінші мақсат деп санамайтыны» белгілі болғанын айтты.

«НАТО елдерінің барлық барлау органдары жаудың жоспарын жақсы біледі. Олар Ресейдің шабуылды жалғастырғысы келетінін де растады. Қалай? Тоғыз күн біз сұрапыл соғысты көріп отырмыз. Олар біздің қалаларды қиратады, адамдарымызды, балаларымызды, тұрғын үйлерді, шіркеулерді, мектептерді атқылайды. Адамның қалыпты өмірін қамтамасыз ететін барлық нәрсені жойды. Оның үстіне, олар мұны жалғастырғысы келеді. Жаңа соққылар мен құрбандар болмай қоймайтынын біле тұра, НАТО Украина әуе кеңістігін жаппауға әдейі шешім қабылдады!» деп Зеленский видео үндеуінде қатты ашуланды.

Оның пікірінше, НАТО елдері Украина әуе кеңістігінің  жабылуы Ресейдің альянсқа қарсы тікелей агрессиясын тудыратыны туралы «әңгімені өздері шығарған».

«Бұл әлсіз, өзіне сенімсіз адамдардың ішкі гипнозы. Ол біздегіден бірнеше есе күшті қару ұстай алады. Адамдарды ойлау керек еді. Адамгершілік туралы. Сіз бұл кездесуде не туралы ойладыңыз? Осы күннен бастап өлетін адамдардың бәрі де сенің кесіріңнен өледі. Сенің әлсіздігіңнен. Сенің батылсыздығың үшін» деді Украина президенті.

Зеленский саммиттен кейін әуе шабуылдарының жаңа құрбандары үшін жауапкершілік НАТО-ның мойнында екенін атап өтті. Сонымен бірге ол Украинаға көмек пен қолдау көрсетіп жатқан НАТО-ға мүше елдерге алғысын білдірді.