Зеленский Қырымнан бас тартуға дайын – Трамп

АҚШ президенті Ватиканда Украина президентімен кездесті. Трамп кездесудің жақсы өткенін мәлімдеді, деп хабарлайды Orda.kz.

АҚШ президенті Дональд Трамп Ватиканға барып, Рим папасының жерлеуіне арнайы қатысты. Ол рәсім алдында Владимир Зеленскиймен кездесті. Бұл екі президенттің ақпан айындағы Ақ үйдегі жанжалдан кейінгі алғашқы бетпе-бет жүздесуі. 

Трамп бұл жолғы кездесудің сәтті болғанын мәлімдеді. Ол Зеленский Қырымға қатысты талабынан бас тартуға дайын екенін жасырмады. Сонымен қатар кездесуде талқыланған мәселелердің нәтижесі алдағы аптада мәлім болатынын айтты. 

Айта кетейік, ақпан айында екі ел президенті арнайы кездесу ұйымдастырып, арты дауға ұласқан еді.