Зеленский Қазақстандағы Украина елшісін тағайындады

Украина президенті Владимир Зеленский Қазақстанға жаңа елші тағайындады, деп хабарлайды Orda.kz.

Мемлекет басшысы Виктор Анатольевич Майконы Украина Республикасының Қазақстан Республикасындағы төтенше және өкілетті елшісі етіп тағайындау туралы жарлыққа қол қойды. Бұған дейін ол Украинаның Түрікменстандағы елшісі қызметін атқарған.

Қазақстандағы Украина елшісінің орны 2022 жылдан бері бос тұрған еді. Бұған дейін бұл қызметті Петр Врублевский атқарған.

Виктор Майко – журналист мамандығы бойынша жоғары білімді. 2010–2020 жылдары Украина Сыртқы істер министрлігінде басшылық лауазымда жұмыс істеген. 2020 жылдан бастап Түрікменстандағы елші қызметін атқарды.

Айта кетейік, ақпан айында Украина қазақстандық мұнай инфрақұрылымына жасалған шабуылды ресми мойындады.