Зеленский Байденмен және Илон Маскпен не туралы сөйлесті?

5 наурызда Украина президенті Владимир Зеленский Байден және Илан Маскпен сөйлесті.

Украина президенті Владимир Зеленский АҚШ президенті Джо Байденмен және SpaceX және Tesla компанияларының негізін қалаушы Илон Маскпен телефон арқылы сөйлесті. Бұл туралы Украина басшысы өзінің Twitter-де хабарлады.

Зеленский Ақ үй басшысымен әңгіме барысында қауіпсіздік, Украинаны қаржылық қолдау және Ресейге қарсы санкцияларды жалғастыру мәселелерін талқылағанын айтты.

Украина президенті де Илон Маскпен сөйлескенін мәлімдеді.

 «Мен Илон Маскпен сөйлестім. Оған Украинаны сөзімен де, ісімен де қолдағаны үшін алғыс айтамын. Келесі аптада қираған қалалар үшін Starlink жүйесінің тағы бір партиясын аламыз»  деді Зеленский.

 Ол сондай-ақ,  ықтимал ғарыштық жобаларды талқылағанын да  жеткізді.

Бұған дейін Украина президенті Владимир Зеленский халыққа жаңа үндеу жариялап, онда НАТО-ның Украина аспанын жабудан бас тартуы туралы сын өткір айтқан болатын.