Зеленский қандай жағдайда Ресеймен келіссөздерден бас тартатынын айтты

Украина президенті Киевтегі метро стансаларының бірінде шетелдік журналистер үшін баспасөз мәслихатын өткізді.

Украина президенті Владимир Зеленский егер ресейліктер уақытша басып алған аумақтарда «жалған референдум» өткізіп, Мариупольде украиналықтарды өлтірсе, Украина Ресеймен келіссөздерден шығатынын айтты, деп хабарлайды «Украинская правда».

—  Егер Мариупольде халқымыз жойылса, басып алынған аумақтарда жалған референдум өткізілсе, Украина кез келген келіссөздерден бас тартады, - деді Украина президенті шетелдік журналистерге арналған баспасөз мәслихатында.

Владимир Зеленскийдің айтуынша, 23 сәуір Мариупольді қорғаудағы ең қиын күндердің бірі. Ол ресейлік әскерилер теңізден, құрлықтан, танктерден, артиллериядан, ұшақтардан оқ жаудыратынын айтты.

Украина президенті сондай-ақ 24 сәуірде АҚШ мемлекеттік хатшысы Энтони Блинкен мен болжам бойынша қорғаныс министрі Ллойд Остиннің Киевке келетінін айтты.

— Менің ойымша, бұл үлкен құпия емес, бірақ ертең бізге Америка Құрама Штаттарынан адамдар келетін-келмейтінін білмеймін, мен Қорғаныс министрі және Мемлекеттік хатшы Блинкен мырзамен кездесу өткіземін, - деді Зеленский.

Ол қару-жарақ жеткізу бойынша келіссөздер жүргізілетінін хабарлады.