Зеленский 119 ресейлік жұлдызға қарсы санкция салды

Санкциялар украиндық активтерді бұғаттайды, ресейлік өнер және мәдениет қайраткерлерін мемлекеттік марапаттарынан айырады. Сондай-ақ Украинадан капиталды шығаруға және жекешелендіруге қатысуға тыйым салады деп болжануда.

Украина президенті Владимир Зеленский 119 ресейлік өнер және мәдениет қайраткері елдегі артықшылықтарынан айырылды деген жарлыққа қол қойды. Ұлттық қауіпсіздік және қорғаныс кеңесі Леонид Якубович, Евгений Петросян,  Маргарита Симонян, Дмитрий Киселев сынды танымал тұлғалар мен  Лариса Долина, Дмитрий Билан, Сергей Лазарев, Филипп Киркоров, Михаил Шуфутинский сияқты әншілерге санкция салды.

Санкция тізімінде Украинада туып, Ресейде тұратын футбол жаттықтырушысы Анатолий Тимощук, жүргізуші Жанна Бадоева және әнші Лолита Милявская да бар.