Зеленский: Әлемдік лидерлермен Путинге қарсы тойтарыс беруді бастаймыз

Украина президенті Владимир Зеленский өз халқына тағы бір видеоүндеу жасады. Ол ақпаратты тек ресми дереккөздерден алу керектігін айтты.

Зеленский Путиннің Украинамен және барлық демократтық кеңеспен соғыс бастағанын мәлімдеді.

«Бүгін Ресей басып кіруді бастады. Бізге бомбалар ғана емес, фэйктер де шабуылдап жатыр. Ақпаратты тек ресми дереккөздерден алу керек. Путин Украинаға және барлық демократтық кеңеске соғыс бастады. Ол менің елімді жойып жібергісі келеді. Ол біздің өміріміздің мәнін жойып жібергісі келеді.

Өзіміздің әскерге үндеу жасағым келеді, біз сіздердің күштеріңізді білеміз. Украиндықтар, дүрбелеңге салынбаңыздар. Шекара сыртындағы украиндықтар, бізге сіздердің көмектеріңіз бен қолдауларыңыз қажет. Әлемдік лидерлермен Путинге қарсы әріптестік тойтарыс беруді бастаймыз» делінген видеоүндеуде.

Зеленский видеоүндеуді әр сағат сайын жасап отыратынын хабарлады. Бүгін Ресей президенті Владимир Путин Донбаста арнайы әскери операция бастағанын жариялады. Қазір екі ел арасында әскери іс-қимылдар жүріп жатыр.