Зеленкий өзі шақырып алған Саакашвилиді қызметінен босатты

Михаил Саакашвили Зеленскийдің пәрменімен украиналық үйлестіру кеңесінің құрамынан шығарылды. Украина президенті Владимир Зеленскийдің жарлығы ресми сайтта жарияланды. Аталған құжат күшіне енген.

Естеріңізге сала кетсек, 2019 жылы 28 мамырда Владимир Зеленский Саакашвилиге қайта азаматтық берді. Оны сол жылы реформалар жөніндегі ұлттық кеңестің атқарушы комитетінің басшылығына тағайындады.

Енді бұл орынға реформалар жөніндегі атқару комитетінің сарапшысы Георгий Цхакай келді.

2013 жылы Михаил Саакашвили Грузиядан кетіп қалғанда оған қатысты 4 қылмыстық іс қозғалған еді. Оны сырттай соттап, қамауға алуға шешім шығарылған.  

2015 жылы Саакашвили Украинаға келді. Сол кездегі президент Петр Порошенко оны Одесса облысының губернаторы қызметіне қойды. Дегенмен бір жыл өте салысымен оны  бұл қызметтен алып тастады. 2017 жылы одан Украина азаматтығы қайтарып алынды.  

2019 жылы Порошенкодан кейін келген жаңа президент  Зеленский Саакашвилиге қайтадан азаматтық пен басшылық қызмет берген болатын.