Зейнеткер немерелеріне алимент төлеуге міндеттелді

Петропавл соты атасын алимент төлемейтін ұлының орнына зейнетақысынан немерелеріне алимент төлеуге міндеттеді, деп хабарлайды Солтүстік Қазақстан облысы прокуратурасының баспасөз қызметі.

Прокуратура 2021 жылғы 1 маусымдағы сот қаулысымен Қ.Т.Е. пайдасына Қ.А.Х.-дан кәмелетке толмаған балалары үшін ай сайынғы жалақының және өзге де кірістің 1/3 бөлігі мөлшерінде алимент өндіруге шешім щығарған. Алайда борышкер өз міндеттемелерін орындамай,  3,7 млн ​​теңге қарыз жиналған.

«Неке (ерлі-зайыптылық) және отбасы туралы» Қазақстан Республикасы Кодексінің 152-бабына сәйкес, көмекті қажет ететін кәмелетке толмаған немерелері, егер олардың еңбекке қабілетті ата-анасынан, кәмелетке толған еңбекке қабілетті туғандарынан алимент алу мүмкін болмаса, балалар бұл үшін қажетті қаражаты бар ата-әжесінен сот арқылы алимент алуға құқылы» деп түсіндірді прокуратура.

Балалардың анасы борышкердің әкесінен немерелерін асырауға арналған алимент төлемдерін өндіру туралы талап арызбен сотқа жүгінген. Петропавл қаласының № 2 сотының ұйғарымымен талап арыз қанағаттандырылып, оның негізінде атқару өндірісі қозғалды.

«Атасының зейнетақысынан ай сайын 10 айлық есептік көрсеткіш (30 630 теңге) көлемінде алимент өндіріледі»  деп атап өтті облыстық прокуратураның баспасөз қызметі.

Қадағалау органының мәліметінше, Солтүстік Қазақстан облысында 101 төленбеген алимент бар. Олар бойынша жалпы қарыз 184,3 млн теңгеге жеткен.

Облыс бойынша барлығы 10 479 кәмелетке толмаған бала алимент алушы болып отыр. Бұл бағыттағы жұмыстар облыс прокуратурасының тұрақты бақылауына алынған.