Зейнеткер мен баладан ақша бопсалап, оларды жарақаттады

Алматы облысында ер адам әжесі мен немересінен ақша бопсалап, оларды пышақпен жарақаттады.

Бұл туралы Orda.kz хабарлады.

Қайғылы оқиға туралы әлеуметтік желіде айтылды.

Жазба авторы 11 шілдеде Космос ауылында өз шешесін өлтіріп, 25 жыл сотталып шыққан көршісі анасынан ақша бопсалағаны туралы айтқан.

Әжей ақша бермеген соң, көршісі үйінен пышақ әкелген. Ол қарияға шабуыл жасаған кезде, оған көмекке немересі келген. Екеуі де ауыр хәлде ауруханаға жетікізілді.

Ота өте қиын өткен. Баланың бүйрегін алып тастауға тура келген. Ал әжейді құтқарып қалу мүмкін болмаған.

Облыстық полиция аталған факті бойынша Талғар ауданының 53 жастағы тұрғыны ұсталғанын атап өтті.

– Ер адам бұрын бірнеше рет түрлі қылмыстар үшін сотталған. Қазіргі уақытта күдікті қамауда. ҚР Қылмыстық кодексінің 99-бабы бойынша іс қозғалды, - деді полиция департаментінің баспасөз қызметі.

Қажетті сараптамалар тағайындалды.

– Жарақат алған 9 жасар бала Еңбекшіқазақ облыстық ауруханасына жіберілді. Сотқа дейінгі тергеуді облыстық тергеу басқармасы өз бақылауына алып, ерекше бақылауға алынды, деп хабарлады департамент.