Зейнетақының бір бөлігі баспа басылым түрінде берілді

ҚР Сыбайлас жемқорлыққа қарсы іс-қимыл агенттігінің стратегия және жедел басқару бөлімінің бастығы Нұрлан Жақсімбетов мектептер мен жоғары оқу орындарындағы бопсалау фактілері туралы айтты.

«Агенттік мектептердегі, университеттердегі, емханалардағы бопсалауға, дәрі-дәрмектердің, медициналық мақсаттағы бұйымдардың қымбаттауына және тағы басқаларға - яғни күнделікті сыбайлас жемқорлыққа қатысты шағымдарды елемейді», - деді Нұрлан Жақсімбетов онлайн-брифинг барысында.

Оның айтуынша, Сыбайлас жемқорлыққа қарсы қызметтің колл-орталығына осындай 133 өтініш түскен.

«Олардың барлығы арнайы мониторинг топтарының қатысуымен мұқият қаралады. Бұл бөлікте әкімдіктердің, еңбек ұжымдарының, ата-аналар комитеттерінің және т.б. тиісті қызметтер басшылығының қатысуымен бірлескен жиналыстар өткізіледі. Осылайша, Атбасар және Степногорск қалаларындағы мектеп оқушыларының ата-аналарының өтініштері бойынша мектептің «қажеттіліктеріне» қаражат жинау бөлігінде қызметтік тергеу және ата-аналарына жасырын түрде сұрақ қою жүргізілді. Нәтижесінде жоғарыда аталған фактілер расталды», - деді Нұрлан Жақсімбетов.

Тексеру нәтижелері бойынша Атбасар өңірі мен Степногорск қаласының білім бөлімдерінің басшылары мектеп директорларымен бірге тәртіптік жауапкершілікке тартылғаны атап өтілді.