Зейнетақы жинағын қалай шешем? Елді қызықтырған сұрақтар

Зейнетақы жинағын мерзімнен бұрын қалай шешемін? Қаражатты қайда және қалай жұмсауға болады? Өткен материалдарда Отбасы банкі ешқандай мәлімдеме жасамады, ал Ержан Есімхан бәрін түсінгенімен бөлісіп, жауапсыз қалған сұрағы туралы жазба қалдырған.

Бүгін, 22 қаңтар Орталық коммуникациялар қызметінің брифингінде қойылған сұрақтарды біріктіріп, ОRDA. өз оқырмандарына ұсынады.

Зейнетақы жинағының қалдығы қайда кетеді?

Қазіргі таңда зейнетақы жинағының бір бөлігін әлеуметтік жағдайды жақсарту мақсатында қолдануға болады. Ал қалған бөлігін адамдар зейнет жасына келгенде қолданады.

Зейнетақы жинағын шешу үшін орташа жалақы қандай болу керек?

Халықтың екінің бірінде зейнетақы жинағын шешу мүмкіндігі жоқ. Себебі қордағы қаржысы жеткіліксіз. Жеткілікті шекті есептеу барысында орташа айлық көрсеткіші қарастырылмаған, төлемге қабілетті кез келген азамат зейнетақы жинағын шеше алады.

Ал адамның жалақысы жеткіліксіз болса, ол отбасы мүшесімен бірігу арқылы мақсатты түрде зейнетақы жинағына қол жеткізеді.

Қандай жағдайда зейнетақы жинағына алынған мүлікті сатуға болмайды?

Егер ипотека бес жылдан көп жылға алынса, зейнетақы жинағына алынған мүлікті бес жыл көлемінде сатуға болмайды.

Қандай банктерден шот аштыруға болады?

Бастапқы жобада бірегей оператор болып Отбасы банкі тағайындалған. Алайда, кейіннен шотты екінші деңгейлі банктерде ашуға болады делінді. Қазіргі таңда тек Халық банк өзін оператор ретінде жариялады.

Емделуге ақша қашан алуға болады?

Қаңтардың аяғына қарай емделуге мерзімінен бұрын зейнетақы жинақтарын алу ережелері дайындалады.

Алайда, «Отбасы Банкінің» басқарма төрағасы Ләззат Ибрагимова қордағы ақша адамдардың денсаулығын түзетуге мүмкіндік береді. Атап айтқанда, тіс емдеуге, созылмалы ауруларды емдеуге немесе Қазақстан территориясындағы шипажайларда емделуге қаражатты жұмсауға болады деген болатын.

Ережелер әлі де мемлекеттік органдармен талқылануда.

Еске салсақ, 23 қаңтар enpf-otbasy.kz порталы таңғы 9-да іске қосылады.