ZEEKR маркалы электромобиль Қазақстан нарығына шығады

Брендтің ресми дистрибьюторы сонымен қатар бүкіл ел бойынша электр зарядтау станциялары желісін дамытуды көздеп отыр.

ZEEKR электромобильдерінің әлемдік бренді Қазақстан нарығына ресми түрде шықты. Қазақстан Республикасы аумағында премиум-класс ZEEKR смарт электр көліктерін сату және қызмет көрсету құқығын Orbis Auto автокөлік тобы алды. Тарату туралы келісімге Алматыда Orbis Auto автомобильдер тобына кіретін «Kazakh Evolux Auto» ЖШС мен қытайлық ZEEKR Intelligent Technology компаниясы қол қойды.

Ресми дистрибьютордың жоспарларына Қазақстанның негізгі қалаларында дилерлік орталықтар желісін ашу және ZEEKR стандарттары бойынша сатудан кейінгі қызмет көрсету кіреді. Бұл ретте брендтің ресми дистрибьюторы қалааралық бағыттарды қоса алғанда, бүкіл ел бойынша электр зарядтау станциялары (ECS) желісін дамытуды көздеп отыр.

Алғашқы ресми түрде жеткізілген ZEEKR автокөліктері биылғы жылдың төртінші тоқсанында қазақстандық нарыққа шығады деп күтілуде. Өндіруші биыл екі үлгіні: ZEEKR 001 shooting break және ZEEKR X спорттық кроссоверін енгізуді көздеп отыр. 2024 жылы топтаманы төрт модельге дейін кеңейту жоспарлануда.