Өзбекстанның экс-президентінің немересі танымал блогермен ажырасты

Өзбекстанның экс-президенті Ислам Каримовтың немересі  Мариям  танымал блогер Амиран Сардаровпен ажырасу себебін айтты.

Мариям Тилляева күйеуінен әбден  көңілі қалғанын мәлімдеді.

«Оған бар жақсылық тілеймін, мен оған Лос-Анджелесте құрған шағын отбасымыз үшін алғыс айтамын. Бірақ, өкінішке қарай, Ресейге келгенімізде ол мүлде басқа адамға айналып, көп нәрседен көңілімді қалдырды»  деп жазды Тилляева.

Инстаграмда ажырасқанын жариялаған Амиран отбасындағы келіспеушіліктің себебін атамады.

Бірақ бұған дейінгі  сұхбатында ол Мариямның өмірінде өзі пайда  болған шақтан бастап, оның туыстары онымен барлық байланысын тоқтатқанын айтқан болатын. Ол әйелінің отбасын бір де бір рет көрмеген.

Амиран мен Мариям АҚШ-та кездесіп, 2021 жылдың сәуір айында қарым-қатынастарын заңдастырған болатын.