Өзбекстаннан келген адам Қазақстаннан 430 млн теңге алып кетпекші болды

Өзбекстанның үш азаматы Қазақстаннан үлкен көлемде ақша, 430 млн теңге алып кетуге тырысты.

Бұл туралы Orda.kz Sputnik Өзбекстанға сілтеме жасап хабарлады.

Өзбекстан Мемлекеттік күзет қызметі (МҚК) - қылмыскерлерді, атап айтқанда, «Өзбекстан темір жолдары» АҚ жүк пойызының екі жүргізушісін ұстады. Олар Қазақстаннан 971 мың доллар, 47 700 евро және 3,4 млн ресей рублін алып өтпек болған. Күдіктілер ақшаны электровоздың жасырын жерлеріне тыққан.

Ұсталған үшінші адам Ташкент облысының Зангиата ауданының тұрғыны болып шықты - ол жүргізушілерге ақшаны чекпен берген.

Қылмыстық іс қозғалды. Қазір тергеу амалдары жүргізіліп жатыр. Қылмыскерлер Өзбекстанның Қылмыстық кодексіне сәйкес сегіз жылға дейін бас бостандығынан айрылады.