Өзбекстандағы студенттер өлімі қоғамда шу тудырды

Бірнеше күн бұрын Ташкентте жалға алынған пәтерден бес студенттің денесі  табылған болатын. Осы оқиғадан кейін барлық өзбекстандық студенттердің тұратын жері туралы  мәселесі көтеріле бастады.

Сол оқиғадан бір күн өткеннде  тағы бір студент жұмыс істеп,  әрі баспана етіп отырған  көп қабатты үйдің лифт шахтасына түсіп кетіп қайтыс болған.

Соңғы жылдары Өзбекстанда студенттік жатақханалар 228-ге көбейген. Соған қарамастан 149 400 студентке  жатақхана жетпейді. Бұл жайында өлкенің жоғарғы және арнайы орта білім беру министрі Абдукадыр Ташкулов айтты деп жазады Centralasian.org.

– Себебі ректораттарда  құрылыс үшін жауап беретін бөлім жоқ. Ректорлар ең дұрысы ешнәрсе істемеген деп ойлайды. Себебі, жауапкершіліктен қорқады,  деді Абдукадыр Ташкулов.

2025 жылға дейін студенттер үшін тағы да 16 жатақхана салынбақшы. Яғни,  тағы  6750 қосымша орын пайда болады. Министр жатақхана  жетіспеушілігіне жоғары оқу орындарының ректорлары кінәлі екенін мәлімдеді.