Өзбекстандағы президент сайлауы қазан айына ауыстырылды

Өзбекстанда президент сайлауы желтоқсанның үшінші онкүндігінің бірінші жексенбісінен қазанның үшінші онкүндігінің бірінші жексенбісіне ауыстырылды. Бұл күн осы жылдың 24 қазанына сәйкес келеді. Тиісті құжат «Халық сөзі» газеті сайтында жарияланды.

«Өзбекстан Республикасы Конституциясының 117-бабының екінші бөлігіндегі «желтоқсан» сөзі «қазан» сөзімен ауыстырылсын», - делінген заң мәтінінде.

Заңға енгізілген өзгерістерге Өзбекстан президенті Шавкат Мирзиёев қол қойды. Құжат жарияланған сәттен бастап күшіне енеді.

2021 жылға жоспарланған сайлау бүкіл ел тәуелсіздігі тарихындағы алтыншы президенттік сайлау болады. Өзбекстандағы мемлекет басшысы бес жылда бір сайланады.

Президент болып сайлауға ең аз дегенде отыз бес жасар, мемлекеттік тілді жетік білетін, Өзбекстанның аумағында сайлауға дейін кемінде 10 жыл тұрақты тұратын азамат сайлана алады. Бір адам қатарынан екі мерзімнен президент бола алмайды.

Соңғы кезектен тыс президент сайлауы 2016 жылы өтті. Содан кейін жеңісті премьер-министр болып қызмет еткен Шавкат Мирзиёев алды.