Өзбекстан президенті бір күнде 40-тан астам шенеунікті жұмыстан шығарды

Өзбекстан президенті Шавкат Мирзиеев бір күнде бірқатар шенеуніктерді жұмыстан шығарды. Бұл туралы өзбек президентінің баспасөз хатшысы Шерзод Асадов мәлімдеді.

Шавкат Мирзиеев Ташкент облысындағы кеңесте 40-тан астам салық инспекциясының басшыларын, банктердің филиалдарын басқарушыларды және аудандар, қалалар әкімшіліктерінің басшыларын, басқа да лауазымды тұлғаларды жұмыстан шығарды.

Айта кетейік, бұған дейін Өзбекстан президенті Шавкат Мирзиеев ІІМ алқасының кеңейтілген отырысында 15 ІІБ бастығын, бес прокурорды және ішкі істер министрінің орынбасарын қызметінен босатқан еді.