«Зардап шеккендер бар»: Алматыда жеңіл көлік аялдаманы соғып құлатты

Кеше, 16 қыркүйек күні сағат 13:45 шамасында жүргізуші көлік тізгініне ие бола алмай, аялдамаға келіп соғылды, деп хабарлайды Orda.kz. 

Оқыс оқиға Алматы қаласының Бостандық ауданында болды. Көлік Назарбаев даңғылындағы аялдамаға соғылды. Аялдаманың бір жақ беті құлап, әйнегі сынды. Металл құрылғының сынықтары 20 жастағы қызға тиген. 

Полицияның хабарлауынша, қыз дереу ауруханаға жеткізілді. Бостандық аудандық полиция басқармасының қызметкерлері оқиғаны тергеуді бастады.

Айта кетейік, Алматы облысында жеңіл көлік жүк көлігіне соғылып, жүргізуші тірідей жанып кетті.