Зардап шеккен әзірбайжандықтар елдеріне аттанды

Ұшақ апатынан зардап шеккен 14 Әзірбайжан азаматы Отанына кетті. Эвакуацияланғандар арасында екі бортсерік және бір бала бар, деп хабарлайды Orda.kz.

Маңғыстау облысы әкімдігі баспасөз қызметінің мәліметінше, олар ауруханада қажетті ем алып, жағдайы тұрақтанғаннан кейін Бакуге кеткен.

Шығарып салу рәсіміне Маңғыстау облысы әкімінің орынбасары Тілеген Әбішев, Ақтау әкімі Әбілқайыр Байпақов, Қазақстан халқы Ассамблеясының мүшелері, ақсақалдар, жастар және қоғам өкілдері қатысты.

Маңғыстаулықтар бауырлас елге жылы лебіздері мен қолдауларын білдірді. 

Қазіргі уақытта Маңғыстау ауруханасында алты науқас қалды. Олардың төртеуі ауыр, екеуі орташа күйде.