Zara мен Oysho қазақстандағы жеке кәсіпкерді сотқа берді

Жеке кәсіпкер өз бутигінде Zara және Oysho маркалармен киімдерді заңсыз сатты, деп хабарлайды Orda.kz.

Жоғарғы сот мәліметтеріне қарасақ, бутик иесі Zara және Oysho брендтері бар киімдерді белгілі бір сатушыдан көтерме бағадан төмен бағамен сатып алған.
Кейінірек кәсіпкер бұл тауарларды өзінің бутигінде сатылымға шығарды. Ол брендтік өнімдердің аналогтарын сату үшін лицензия мен рұқсат қажет екенін білмеген.

Қазақстандағы Zara және Oysho брендтері иесінің өкілдері осы брендтермен басқа біреу сауда жасайтынын білгенде, кәсіпкерді сотқа берді.

Алдымен ол «тауар белгісін заңсыз пайдалану» бабы бойынша кінәлі деп танылып, оған 100 мың теңге айыппұл салынды. Сонымен қатар, бутиктен екі миллион теңге тұратын 117 киім тәркіленді.
Сот жеке кәсіпкердің азаматтық айналымда Zara және OYSHO тауар белгілерін рұқсатсыз пайдаланғанын ескере отырып, компанияның талабын қанағаттандырып, жеке кәсіпкерден компанияның құқығын бұзғаны үшін 2 миллион теңгеден астам өтемақы өндірді және жеке кәсіпкерге әлеуметтік желідегі жарияланымдарын өшіру тапсырылды. 

Үкім заңды күшіне енді.