Заңсыз темекі саудасы құрықталды

Орал тұрғынынан заңсыз темекі сатқаны үшін көлік тәркіленді.

Бұл туралы mgorod.kz хабарлады.

Экономикалық тергеу департаменті тіркеусіз жұмыс істеген заңсыз кәсіпкерлік қызметке қатысты сотқа дейінгі тергеуді аяқтады. Айыпталушы екі өлшемді цифрлық таңбалары жоқ әртүрлі маркадағы шетелде өндірілген темекі тауарларын заңсыз тасымалдаған, сақтап өткізген. 41 мыңнан астам қорапқа қапталған тауардың жалпы құны 31 миллион теңгеден асады.

Іс Орал қалалық сотында қаралды. Сотталушы кінәлі деп танылды. Оған 1000 АЕК, яғни 3 692 000 теңге айыппұл салынды. Сонымен қатар, сотталушы заңсыз темекі өнімдерін тасымалдау үшін қылмыс көлігі ретінде пайдаланған оның «Opel» автокөлігі тәркіленді. Көлік мемлекет кірісіне айналды. 
Сот үкімі заңды күшіне енген жоқ және сотталушы шешімге шағым түсіре алады.