Заңсыз кітап сақтағаны үшін 258 мың теңге айыппұл төледі

Жамбыл облысындағы ауылдардың бірінің тұрғынына тыйым салынған діни кітаптар ұстағаны үшін айыппұл салынды, деп хабарлайды Orda.kz. 

Полицейлер  сәуір айында 41 жастағы ер адамның үйінен осындай кітаптарды тапқан. Ол басылымның заңсыз екенін біле тұра өз үйінде сақтағанын растап, кінәсін мойындады.

Олардың облыстық сотқа хабарлауынша, кітап сақтауға және таратуға болмайтын тыйым салынған басылымдар тізіміне енгізілген.

«Құқық бұзушының әрекетінде қылмыстық құқық бұзушылық құрамының болмауына байланысты әкімшілік құқық бұзушылық туралы хаттама толтырылды. Сот ер адамды ӘҚБтК-нің 453-бабы 4-бөлігі бойынша кінәлі деп танып, 258 мың теңге айыппұл салу туралы шешім қабылдады», деп түсіндірді департаменттегілер.

Қаулы күшіне енгеннен кейін кітап тәркіленіп, жойылды.