Зағамбар ауылында кәмелетке толмаған қызды зорлау ісі бойынша полиция мәлімдеме жасады

Зағамбар ауылында кәмелетке толмаған қызды зорлау фактісі бойынша полиция басшысы бірнеше мектеп оқушысы ұсталды деген қауесетті жоққа шығарды, деп хабарлайды Orda.kz порталы.

Түркістан облыстық полиция департаментінің бастығы, генерал-майор Мұрат Қабденов оқушы қызды зорлау ісі тергеліп жатқан Зағамбар ауылындағы оқиғаға қатысты ресми түсініктеме берді. Облыстық полиция басшысы атышулы қылмыстан кейін әлеуметтік желіде тараған бірнеше фейктерді жоққа шығарды.

«24 сәуірде полицейлер кәмелетке толмаған ауылдасының кәмелетке толмаған баланы зорлағаны туралы арызы бойынша қылмыстық іс қозғады. Сот санкциясымен күдікті (кәмелетке толмаған) ұсталып, қамауға алынды. Қазір полиция тергеу жүргізіп жатыр. Сараптама тағайындалды», - деді Мұрат Қабденов.