Z белгісімен шыққан ММА жауынгері Ақтөбеде чемпион атанды
Ақтөбедегі «Қоныс» спорт сарайында өткен турнирге Z белгісі бар Ресей туымен шыққан дағыстандық Рамазан Кадиевті ешкім тоқтатқан жоқ.
ММА жауынгерінің әрекетіне Актөбе облысының әкімі Оңдасын Оразалин мен «Alash Pride» клубының президенті Данияр Қасқарауовтан бұрын көрермендер қарсылық көрсетті.
Украинадағы соғыстың ресми символына айналған Z белгісін арқасына ілген туға жапсырып шыққан жауынгер Рамазан Кадиев облыс әкімі Оңдасын Оразалиннің алдынан өтті. Жауынгерге ешкім кедергі келтірген жоқ. Октагонға Z белгісі бар ту ілінгенде ғана жиналған көпшілік ду ете қалды. Тұс-тұстан айқайлап, соғыс белгісінің алынуы талап етілді. Көпшіліктің қарсылығынан кейін ғана жауынгер жақтастары Z белгісі бар Ресей туын алып тастады.
«Alash Pride» клубының №73 аралас жекпе-жек турнирі желідегі парақшасында, You Tube арнасы және «Setanta Qazaqstan» телеарнасынан тікелей көрсетілімде өтіп жатты.
Дағыстандық Рамазан Кадиев қазақcтандық қарсыласы Мақсат Есболатовтың аяғын ауырту әдісімен санаулы минутта жеңіп, «Alash Pride» клубының жеңіл салмақтағы чемпионы атанды.
Жауынгер марапат кезінде Z белгісі бар туды жамылған жоқ. Турнирді тамашалап отырған «Alash Pride» клубының президенті Данияр Қасқарауовтан жауынгердің әрекетіне қатысты пікір сұрадық.
— Дұрыс болмады. Саясатты спортқа араластырмау керек. Оған ескерту берілді,-деп қысқа қайырған Қасқарауов қандай ескерту бергенін нақтылаған жоқ.
Ал турнир төрешілері «оны дақпыртудың қажеті жоқ» деп пікір білдіруден бас тартты. Жалпы турнирде тоғыз жекпе-жек ұйымдастырылып, оған Қазақстан, Ресей, Қырғызстан және Өзбекстан елдерінің жауынгерлері қатысты.
Жарысқа Ақтөбе қаласынан Нұрбек Қабдрахманов, Айдын Төлепбаев және Еламан Отаров есімді жауынгерлер өнер көрсетті. Айта кетейік, әлем елдерінде соғыс символына айналған Z және V белгісімен шықан спортшылар халықаралық спорттан шеттету ойластырылып жатыр.
Ардақ Ерубаева, Ақтөбе.
Жаңалықтар
- Бішкекте шетелдіктерге қарсы наразылық күшейе түсті
- Қазақстан бүгін АҚШ құрамасымен хоккейден әлем чемпионатында кездеседі
- Қазақстан мен Жапония су тасқынымен күресуде күш біріктіреді
- «Атырау-Орал» тас жолы тасқын суды өткізу үшін қазылды
- СҚО-да су басқан үй қалмады – Төтенше жағдайлар министрлігі
- Арықтарды жөндеу Алматыны су басудан құтқармайды
- Orda News аптаның басты оқиғаларына шолу жасады
- Ердоған қапаста жатқан бұрынғы жеті генералға рақымшылық жасады
- Қасым-Жомарт Тоқаев БАӘ президенті Мұхаммед бен Заид Әл Нахаянмен телефон арқылы сөйлесті
- Тоқаев Путинмен телефон арқылы сөйлесті
- Атырауда облыс әкімдігіне қарама-қарсы орналасқан көрікті жерлер су астында қалды
- Қазақстанда Ресей заңнамасын бұзған Өзбекстан азаматтары ұсталды
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады