«Өз қаруынан оқ атқан»: Жамбыл облысында шенеуніктің мәйіті табылды

Жамбыл облысында Талас ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің меңгерушісі Берік Кемелұлының өлі денесі табылды.

Бұл туралы Orda.kz хабарлайды.

Талас облысы әкімдігі қайғылы оқиғаның 2 қыркүйекте Қаратауда болғанын айтты.

– Кемелұлы Берік көлігінің ішінде өз атына тіркелген қарумен өзіне қол жұмсаған. Аталған жағдай бойынша тергеу жүргізілуде, - деді Талас облысы әкімдігінің баспасөз қызметі

Ал Жамбыл облысы ІІД баспасөз қызметінің мәліметінше, сотқа дейінгі тергеу басталған.

– 2 қыркүйекте Талас аудандық ішкі істер бөліміне Қаратау көшелерінің бірінде оқ жарақаты бар белгісіз ер адамның мәйіті табылғаны туралы хабарлама келіп түсті. Бұл факті бойынша сотқа дейінгі тергеу басталды. Барлық қажетті сараптамалар тағайындалып, тергеу әрекеттері жүргізілуде, - деп хабарлады Жамбыл облысы ІІД баспасөз қызметі.