Қызылордадағы апатты жағдай қалыпқа келтірілді

Электр энергиясы кернеуінің күрт төмендеуіне байланысты кеше кешке Қызылордада жылу электр орталығы мен су айдау станцияларындағы қондырғылардың жұмысы тоқтап қалды. Бұл туралы ORDA хабарлайды.

Бас қуат таратушы 17 автономды қазандық пен оңтүстік бөлімшенің қызметі бір мезетте істен шығып, қалаға жылу беру қысымы төмендеп кеткен. Нәтижесінде, магистралды құбырлардың 6 жерінен ақау табылып, 4 мың тонна судың 400 тоннасы ағып кеткен. Соның салдарынан шағын аудан тұрғындары 2 сағатқа жуық ауыз сусыз отырды. Мамандар жағдайды республиканың солтүстік облыстарынан тартылған транзиттік желінің Байқоңырдағы бөлігінің үзілуімен түсіндіріп отыр. 1 сағат ішінде апатты жағдай қайта қалыпқа келтірілді.

«Қызылорда электр тарату тораптары» АҚ Басқарма төрағасы Мұхитжан Кәрімбаев:

- Қауіп болды, жылудың қатып қалуы сияқты қауіп болды. Бірақ сол 65 минуттақайта қосылғаннан кейін барлығы қалпына келіп, қайтадан жұмыс істеп, апаттық жағдай болған жоқ. Бірақ одан көбірек созылғанда болуы мүмкін еді. Қондырғылардың күйіп кетуі туралы дерек жоқ.