Қызылордада тұмауға шалдыққандар қатары көбейді

Тұмаумен ауырғандардың сандары күрт өскеніне алаңдаушылық танытқан облыс әкімінің орынбасары Наурызбай Байқадамов:

«Сондықтан әрбір азамат аурудың белгісі білінгенде емханаға хабарласуын сұраймыз. Дегенмен оған назар аудармаған тұрғындар бар. Бірнеше адам үйде ем қабылдап, жағдайы ауырлағаннан кейін жансақтау бөліміне түсті. Пневмонияның асқынған жағдайының алдын алуға тиіспіз. Әрбір адам жақындарының өміріне қауіп төндіруге бармауы қажет», - деді облыс әкімінің орынбасары Наурызбай Байқадамов өз мәлімдемесінде.

Жуырда ғана, жедел жәрдем қызметі үшін 42 дана санитариялық автокөлік кілті табысталған Қызылорда облысына алдағы уақытта медицина саласына қажетті техникалармен жабдықтау жоспарланып отыр. Алыс елді мекендердің халықтарының жылдам әрі сапалы медициналық көмек алуларының арқасында, облыстық медициналық жедел жәрдем стансасы еліміздегі Ұлттық шұғыл медицинаны үйлестіру орталығының бағалау рейтингі бойынша көш бастап отыр.

«Республикалық маңызы бар трассалардағы жол-көлік оқиғасында зардап шеккен жолаушыларға алғашқы көмек көрсетіп келеміз. Оны дер кезінде орындауда санитарлық автокөліктердің техникалық жағдайы әсер ететіні сөзсіз», - деді облыстық денсаулық сақтау басқармасының басшысы Сәбит Пазилов.